Assalamualaikum Warahmatullahi Wabarakatuh.
Nulis dalam Bahasa Kadayan dalam blog anie bukannya sanang. Tapi kalau baforum sanang diee ngaya-gaya akan uja dangan. Payah ku milih apa kan ditaoh di blog KKS anie untuk nutup tabiee tahun 2009, hantap banyaknya yang paanak antat aah FB KKS atu. Tapi bila ku pikee-pikee akan yang paling baik bunyinya pantun pakah. Jadi kupilih tia pantun.
Upanya kakal amai paanak Kadayan yang pandai hantap bapantun. Aku ngakun tah ku awal-awal yang bapantun anie tah yang aku tubal hantap. Daie sikulah mulanya, amun cikgu nyuuh mbuat pantun, hantap kaing utak diee. Banaanya hantap tubalku mbuat pantun anie. Tapi ku lihat kakal amai anak Kadayan yang pandai bapantun, balum pupus gayanya.
Mbuat pantun nie amun inda baapa biaksa, inda sanang, tapi ku lihat aie paanak-paanak bapantun aah “discussions board’ tu sanang nganya upanya. Tagal-tagal mamacul, tagal-tagal mamacul, capat hantap mbuat pantun, banaa tah ka uja dangan amun sudah babakat atu, yang payah pun jadi sanang. Tapi bukan nya aku.
Insya Allah dalam tahun 2010 anie, kan kami taoh lagi sagala-galanya yang diista aah FB KKS atu aah blog anie. Bila ya ditinggal akan aah FB KKS, makin batah, makin baanat ya katas, jadi yang sudah batah atu tatuun ya kabawah, jaang tah kana lihat. Tapi amun ditaoh aah blog anie, sanang dikit, sabab ada ‘kandungan blog’ aah kan milih caita yang kan digunaie.
Dibawah anie kutaoh gambaa paanak-paanak dian pantun bisia yang diantat aah ‘discussions board’. Bila ada pantun-pantun yang katinggalan jaan maah, tahu-tahu tah saja, hantap banyak kan dipilih, mbaie juling mata malihat. Anie kan maista jua nganya, atu pun bila dapat, taoh tia gambaa banaa aah ‘profile picture’ kamu atu, anie ku lihat sagala-gala tia ada. Paadian yang lain pun kan malihat jua gambaa banaa, manalah tahu amun tajumpa, inda basagiee bahu nganya. Inda ulah nih inda diee takilala kan naguu akan.
Paadian Junaidi Hj Adam
naik batang tuun batang,
nda kau datang aku yang datang..... (mengasi tia kali ani..)
Kapal laya daie Malaya,
singgah sakajap di Tanjung Lubang,,
ada uja hati kan betanya,
Siapa yg Mas Na Kanang-kanang
Kan ka Pulau Labuan paksa naik Feri,
Kan bananang nda tapiki di hati,
bahapa tah ko tasubuk-subuk atu Tati,
kelua tah menghibur hati,
Ku'uus malanting luas tanahnya
Paut maladus 3 sudah bini'y
Mun aku kan nambahi yg ke dua
Mau kah kau jadi calon'y?
Ngail Udang luih lauk kali,
baik jua la daie luih tahi,
Nyaman di danga sajuk asa hati
Adakah AKU si buah hati....
(he....he....he...)
Minum kupi di kadai liau Jumat,
Ada buah duyan dalam baladi
Tabahkan hati kuatkan semangat
Jadilah pemudaan yang waja diri
Anak da'a tapi bakutu,
Di suuh kukur nda ya mau jamu,
eee... ada tia jua sahbarina atu,
makin bulat makin tia jua labuk2 jantungku..
Tiap2 haie makan nasi,
Makan nasi bacampu lukan,
mun sudah jauh panggang daie api,
cuba2 tia pulang di hampi kan..
Luan hangat jamu aie ani,
nyudu aing daie talaga,
ala.. apa kuang'y aah die ani,
tatap gagah, hensome pun ada...
Umah batu di sini jan di sana,
dalam umah atu kana tauhi mija,
biarku nda tjumpa jalama yg nama'y sahbarina,
Singgan tabaca pantun'y pun sudahku kaja2.
Tuun ke paya tajumpa buung bangau,
Kan ku lastik ditagu ulih cg saptu,
Uwang di umah jaan tah ingau,
Cukup jaga'y lulus tia nganya nii tu.
Mahumbut umbia' siing puhun buluh,
Untuk makanan 5 ikung gajah,
Ucapan Selamat Tahun bahawu 2010,
Mudah2an KKS tatap gagah dan betambah gagah.
Punduk2 nguibas makanan buah hulu,
Taus tah ku minum kupi,
udah ku tulis pantun tahun bahawu,
Tinggal lagi padian nambahi.
Untal-untal uli-uli hantap sakit gigi,
Baik asa'y kana tabung aah bahu,
Ladum2 bunyi bunga api,
ia tia pakah tuu yg dama'y tahun bahawu.
Melihat tibi caita P Ramli,
Caita uwang putih nda laku,
haapan ku tahun bahawu 2010 ani,
batambah la jumlah anak-anak ku.
Paadian Sabharina Hj Ismail
Jaan di amal minyak guna-guna,
tesalah palit bemaa kaang,
jaan d pajal uang inda guna,
kana bawakn pemaang kaang...
kan ke kk mmbali baja,
alum jua batah bahau kalamaie,
mun luan tention bakaja,
ajin2 badudun kemaie..
piasau d supa kn abuatkn minyak,
inda tapaduli hangus tia jua,
ulah yg mcm hantu tu banyak,
tapi 'high test' tia jua...
tjumpa usin sebabat dlm longkang,
dpt kn pakai ke konsert rock live,
napa tia sadih nganang yg curang,
lupakn sj ' i will survive'
Asakan meayau inda baulah
kan bejalan pun inda taubala
liau junaidi adangtah baulah
dii sendii pun inda taubala
ka kadai amas mmbali kingkin,
kingkin balah utan sudah di tampa,
baju caik buknnya miskin,
malas bakaaja tu bukannya apa..
mandi di kaangan taus taajun,
maah jua uang yg bakaang,
mun labuk2 jantung ktk kak Jun,
baik diputik, mati kaang..
kak Jun special hanya satu
orgnya manis bersopan santun
napa di bawa-bawa c saptu
inda tekaja kaang kan bpantun
guing hayam kan bahata kaja
tkajut kak jun d suuh bungkus
mun asa kaja-kaja
baik tah mulih btangkumus
Nyamannya makanan bauhulu,
nganya apa gayanya mmbuat ani,
inda lagi batah tahun bahau,
Tacapai udah kah azam taun ani
Tangahnya Kadir tasuluh-suluh,
Tasuluh tia jua c kaim mlayan KKS,
Selamat Tahun Bahau 2010,
Kpd Samuha padian-padian di KKS.
Takajut ambok uleh Bisia,
Ktungkalan taus blusi mungkang mangking,
Semoga KKS btambah Ceria,
ngan ahli yang amai & Sporting.
Luan angga malihat laki-laki,
sampai naindah pun inda tajamu,
Smoga btmbah Iman & ajiki,
Tapi btambah tia jua tiu umu...
Luan angka tapapak bunga cangkih,
aku tah plang dimaahinya,
walaupun zaman semakin maju & canggih,
lagi baik tuk kenalkan kadayan pada dunia.
Paadian Liza Ladis
damit2 si daun pandan
dapat jua pembungkus nasi
damit2 anak kadayan
dapat juan penghibu ati
labu aing dibuat pangat
kamanyan beasap dibuat penjampi
di tapuk bantal manggil samangat
minta bejumpa didalam mimpi
langkung2 kutin dipupuh
mari dipupuh si kala kati
patah hatiku inda betampuh
ingatkan uwang disyg beubah ati...
kulimambang hantap laju pusingnya
telabih pusing masuk ke aing
kaang ani mncaei yg usai hantap payahnya
dpt sdah bpunya tia pulang
rama2 kuntut inkungnya
menari2 sambil nyiuk bunga
mun paut maladus 3 bininya
bepikir jua ku memilih kadidia
menanam lada d dlm pasu
lada dtanam besama pegaga
nada yg mau jd ke2 tmasuk kadiaku
mun sdh jodoh apa jua gaya
apa ulah menganyam nyiru
dihalitang di haunjur akan
mun smpai betaik ambut nada ku mau
baiktah ku beundu mcaei yg lain
ukan bekasih smpai menuut asa
ani tah kebahagiaan yg kan dirasa
soal jodoh dtatapkan Yang Maha Esa
katani berusaha salabihnya bsarah tah saja...
katani hidup bebudi bahasa
alus menawan bahasa kadayan
semuga KKS dikenali seluuh dunia
sama2 tah katani martabatkannya sebais bahasa lain
ka bakau mencaei lukan
loreh jua seekong lauk bakulan
muga2 2009 ditinggalkan panuh kerahmatan dan kebarkatan
tampuhi 2010 panuh kayakinan dan keazaman
maei tah kita beramu makan ambuyat
makan becacah balacan gan mambangan
jan tah supan jan tah galat
diKKS katani bedudun sambil beibun
buah ambai buah ambutan
cucur tibadak sadap jua asanya
salamat tahun bahauu buat padian2
smuga 2010 ada sinar gembira dan bahagia
Paadian Lamit Edidiih
Tunu kamanyan malam jumaat
Asap manabun mahaga mahaga pintu
Ku upuk bantal ku lagau samangat
Nda tantu asa, gila kan aku... puh!
Puhun timbaan tunjung ka paya
Watie tumbang baik tah ditabang
Mun sudah ku guna dada ku kia
Sadangkan baah dapat ku babang... Yeaaah!
Ambok hayung kana lastik
Kaliwa-kaliwa mahaga tabasan
Muhanya bangis Kiyai malantik
Tapi napas haing baie kapisan
Pinjaa-pinjaa balapik daun buluh
Ja'aa kau ja'aa bhukannya aku nyu'uuh.... puh! baik tia kaang...
Unggat-unggat batang
Batang ta'giu-giu
Lambat nini datang
Imbit mbawa taku'uuk hiyu
Duduk manyandaa aah puhun handuduu
Baanti payah njuluk mampalam
Siang malam ya inda sanang kan tiduu
Nganang kan janji aah simpang di malam
Upa bangis hangung baunya
Ku'uus malangking luas tanahnya
Paut maladus 3 sudah bininya
Mun tapaksa yang mana kau guna?
Malam-malam njahit salua
salua tatas bakas babubut
Mun bahati kan jadi lombuu dua
Baik tah balajaa bataik ambut
Paadian Azmi Amat
Balingkasa, balingkaung,balingkatak
Samuhanya tiga ukanya satu
Bataak, balatak, batatak...
mun pintaa asanya, apatah bizanya tu...????
Haing haing jaubut
kaas kaas batu
luus nyamu tu lai... inda ya baambut
nganya kan tahu ku, dapat di makan kah tu?
lauk basalai sadap asanya
usai usai makan inda katulangan
apa masalah mu lai... kan baria nganya
baria tah.... ndada oang kan malaang
Padian Kadayan di sarata tampat
Inda kiya tuha, muda, miskin dan kaya
Tahun 2010 akan mangambil tampat
Mudahan tia KKS taus basatu dan bajaya.
Tahun bahawu menjalang tiba
Macam sakajap inda pacaya
Tahun 2009 sajaah tacipta
KKS ujud dialam maya
Nyikut Takidding diatas Batu
Takiding diisi buah mambangan
Warga KKS sungguhnya basatu
Babiza bolih, bapacah jangan
Paadian Mas Na Abdul Kadir
guing-guing atas umput mati,
hantap lakas kan bubut si Anang,
guing-guing sdh behunjaa kan ganti,
tatap yang lapas kakal di kanang..
Naik paahu tangahnya Ganang,
patah kayuhnya takana kayu baunti,
mun kan tahu, yang ku kanang-kanang,
iatah uwangnya, si buah hati...
Jual kuita inda laku,
balumba di jalan mbaie mati,
Adakah kita buah hatiku?
Jauh panggang daie api....
Ka Tababang diie malukan,
Baluai di lumpuu ambutnya kamah,
Dapat pulang mun kan di hampii akan,
Pikiii tah sj uwang d umah...
nyikut mahauu bapaluh-paluh,
singgah di sungai nyiut mangkutu,
di tahun bahau dua ibu spuluh,
ubah tia paangai yang nda baik atu..
Anak si Liman hantap kan babini,
Inda di suuh takut tia bajauu,
kitani bapaadian di KKS ani,
smuga makin kukuh di thn bahauu
Si Liha takajut taus ya bingkas,
Si Lamit tatawa bapaluh-paluh,
Kpd samuha paadian2 KKS,
Slmt mnymbut tahun bahauu 2010..
Paadian Pindi Yau
pucuk si'ih gagangnya si'ih
bunga kambang di patapian
duduk kasih badi'ie kasih
malihat muha ku samuha tia kasian..
amun kan guuu- guuuu tah nangka
jaan manimpa c batang pauh
amun kan tidoo- tidoo tah mata
jaan tah kan nganang c oang jauh...
amun dangan makan galagah
baie tah kami buku-buku nya
amun dangan sudah yg tangah
baie tah kami bongsu- bongsu nya...
Dangan ba pisbok, Ia pun kan ba pisbok
Dangan ba matoka bahawu, Ia tah lagi kan ba matoka bahawu
Amun aie ba pisbok, Jaga tah tuuan atu bahau tah iya siok
Bukan juga ulah yg buu, Atu jan tah kan di bawa lagi ke tahun bahawu...
Paadian Sabran Mamit
anak itik anak angsa,
maie bataluu di tanah miah,
jaan takut kapada bangsa,
sama-sama badaah miah.
pimping unggat-unggat,
unggat-unggat di kaasik,
pimping kana pukat,
matanya mangulasit.
alap-alap bakalahi,
makin bagalap makin kalahi.
Paadian Zurah Azu
Tibadak nangka, beguing daie bukit,
Siapa angka, nda mau sadikit.
Ank itik matanya padih,
Mama itik jadi susah hati ,
Jangan dituuti hati yg sadih,
Maietah bapantun menghibo hati..
Kan ka konsert hatinya sanang,
Singgah dahulu bali aing ditamu,
Yg cuang nda paidah dikanang,
Mungkin ia bukan yang tabaik untukmu.
Paadian Sorto Sortoroz
Apa gayanya nganyam ngiyu,
Di halitang akan di hambujuu akan,
Apa gayanya nahan rindu,
Di limpang akan di tiduu akan.
Asal kapas di buat banang,
Daie banang jadi ka kain,
Sampaiakan kain atas baunti...
Yg lapas jan tah dikanang,
Laie sudah aah dangan lain,
Hunjaa tah yg lain kan ganti...
Tauh kingkin di atas cuik,
Patut tah jua lain upanya...
Kami miskin baju pun caik,
Patut tah jua nda dangan guna...
Paadian Tatie
Hidayantie
Pasang aing tanjung simasta,
Pasangnya inda batanah lagi,
Ku kanang iya jauh di mata,
Makan ku inda bakanyang lagi..
tapuk-tapuk mainan mulanya,
jan batapuk aiee malamaie,
subuk atu ada maknanya,
bikin panghibuu padian diee..
Paadian Pet's Ali
mun katulangan haga ka dokto
inda sakit aie nalan
mun kan b***a. b***a tah..
hali-hali jua jamban kitani...
patah hati hunjakan tungkat
tungkat d buat daie tunggul pukat
mun uwang dsyg baubah hati
jaan supan hunjatah pengganti..........
nyadiakan bahata seata subuh,
pakai di makan salapas mahat,
kanangan 2009 tatap taguh,
haap 2010 di panuhi barkat....
Paadian Raja Sangumi
lampung picik lampung pemanca
dipakai menyuluh si anak baii'
daii ku damit sampai ku basa
inda ku pandai makan keluang.
keruak keruing
hutan saga saga
jaat dangan bakeliling
jaat ku nganya kana haga
Paadian Ahmad Arshad
pajaa2 balapik daun buluh
jaa tah ko jaa ukan aku yg nyuuh
(ani buntak,yg pnting majal)
Paadian Anuar Ahmad
tanam pinang apat-apat
supaya sanang kuyuk balaiee
ku pinang-pinang inda jua dapat
ku pujuk-pujuk ku bawa laiee...
Paadian Lanz Elanz
Taloo taipas warnanya hijau,
Taloo angsa baakit dua...
Sipun jauh di langit hijau,
Mun dipaksa datang iya jua...
Balusie-lusie di Tg Hauu,
Mandi batapa di dlm wasai..
Apa azam tahun bahauu,
Azam lama alum tah salasai..
Nanang2 anak pinjulung,
Kan dtg ka pulau labohan..
2009 di hujung-hujung,
2010 lagau-lagau'an..
Tahun ani makan balunu,
Tahun hadapan makan asam..
Tahun ani tinggal tah dahulu,
Tahun hadapan apakah azam?..
Apa kian kan di makan?
Tinggal lagi si lauk masin..
Apa kian di kidum akan?
2010 mangkali kan kawin..
Daun buluh atas papan,
Ambie akan daun jalayan,
Tahun 2010 apa haapan,
Majulah KKS maju kadayan..
Buah mangga diatas pinggan,
Daun pakis dimakan biuku..
Tahun 2009 apa kanangan,
Tajumpa KKS di laptop ku..'
Paadian Farinie Jamlus
anak itik belaei2..
mencaei indung nya nda tau kmna..
malam sunyi sepi kemai..
mgenang hati pda c dia....
Paadian Eddy Ryzal
Batang salasih baju'ut- ju'ut,
Piasau muda aah pangkalan,
Jaan bakasih luan ditu'ut,
Wang muda lakas languan.
No comments:
Post a Comment